ავტორი: TraVisa | 28 აპრილი 2010 | ნანახია: 506 
როუდი ბასის ჩეკინგს აკეთებს...
დრამერის სკამი ოდნავ აამაღლეს, გიტარის საუნდი დაყენებულია. ჩილეში ეს ჯგუფი პირველად 1994-ში ჩავიდა, აეროპორტში აუგუსტო პინოჩეტმა ორი ბრონირებული ლიმუზინი გაუშვა მათ დასახვედრად, ჯგუფის მენეჯერმა კი ლიმუზინებში რამდენიმე ჩანთა შეაგდო, ბიჭები ტურ-ბუსით იმგზავრებენო.
"ბიჭები" პინოჩეტს კონცერტის დაწყებამდე ორი საათით ადრე შეხვდნენ და ბენდის ლიდერმა ჩილეს არმიის გენერლისგან საჩუქრად ჩილელი ჯარისკაცის მოოქროვილი ფიგურა მიიღო. აუგუსტოს ჯგუფმა "ჰარლი დევიდსონი" აჩუქა.
... სცენაზე ყველაფერი მზადაა. დარბაზში შვიდი ათასზე მეტი ფანია და შესასვლელში ორასამდე ტიპი თავის რიგს ელოდება. პინოჩეტის პირადი დაცვის ორი წარმომადგენელი პირადად აკონტროლებს ყველაფერს და ორი ფანი, ვისაც ფიქსატორი და კასტეტი უპოვნეს, პოლიციის მანქანაში ჩაკუჭეს. ისინი ვერ დაესწრებიან კონცერტს. გამოდის გიტარისტი, იღებს რამდენიმე აკორდს, იხდის სომბრეროს და ესალმება აუდიტორიას. მეორე გიტარისტი ჩეკინგს არ აკეთებს, უბრალოდ ართმევს როუდის ლუდს და Cheers, guys. დრამერმა ორი გადასვლა გააკეთა...აპლოდისმენტები. ცარიელია მხოლოდ მიკროფონის გარშემო ტერიტორია.
და გამოდის ის. დიდი, ბებერი, მაგრამ მაინც მაგარ ფორმაში მყოფი ტიპი. გიტარისტზე ოდნავ განიერი სომბრერო, შემოტკეცილი ტყავის შარვალი და თეთრი ჩექმა. ერთი მიაბასა, საუნდმა ყველაფერი გადაფარა და მოკლე მისალმების მერე მიდის ფრაზა We Are MOTORHEAD, We Play Rock’n’Roll and We Are Gonna Kick Your Ass.
MOTORHEAD…
უკვდავი სიტყვა, უცვეთი ლოიალურობა ყველაფრისადმი, არანორმალური ამტანობა, ლეგენდარული სტატუსი და ქარიზმა. იმაზე დიდი ქარიზმა, ვიდრე ჩვენ გვგონია და იმაზე დიდი, ვიდრე ოდესმე რომელიმე მძიმე როკის, მეტალის ჯგუფს ჰქონია.
იან კილმისტერი, ანუ ლემი ჯგუფის დამაარსებელია. ინგლისში სერის ტიტული Hard and Heavy-ს მაგარ ტიპებში მარტო მას და ოზის აქვთ. ორივე დამსახურებული, ათას სცენაზე გადამხტარი ბაბუა.
ლემი უელსელია.
ცხოვრობს ლოს ანჯელესში. არ დადის მანქანით. არასოდეს ჰყოლია მოტოციკლეტი. არ ყიდულობს DVD დისკებს, არ დადის კინოში, არ იღებს მონაწილეობას არჩევნებში.
იცნობს ჯორჯ ბუშს, იცნობს ჯორჯ ბუშ-უმცროსს, შეხვდა ბარაკ ობამას მინეაპოლისში, ხელი ჩამოართვა ბორის ელცინს მოსკოვში და რუსეთის მაშინდელი პრეზიდენტისგან სახსოვრად დათვის ტყავი მიიღო.
ლემი მეორე მსოფლიო ომის ატრიბუტიკას აგროვებს. ოთხი წლის წინ ამსტერდამში, ერთ-ერთ აუქციონზე 6 000 დოლარად Hitlerjugend-ის დანა შეიძინა, რომელიც ყველა კონცერტზე დააქვს.
ლოს ანჯელესში არის რამდენიმე ბარი, სადაც ლემი ხშირად ქანთრის უკრავს, ძალიან ლამაზად აქავერებს რეი ჩარლზის რამდენიმე ჰიტს და ბოლოში ლიტლ რიჩარდის დისშვილთან ერთად Yesterday-ს ასრულებს.
"მიყვარს ის, რაც მართლა ლამაზია და თუ მთელი მსოფლიო თვლის რომ მონიკა ბელუჩი ოდრი ჰეპბერნზე მაგარი ქალი და დახვეწილი მსახიობია, მთელმა მსოფლიომ გაცვეთილ უკანალზე მაკოცოს. აბსურდია, რომ ინგვი მალმსტინი ჩაკ ბერიზე მაგარი კომპოზიტორია. აბსურდია რომ არსებობს ამერიკული ოცნება. აბსურდია რომ ფაშიზმი სოციალიზმმა დაამარცხა. აბსურდია, რომ ოდესმე მოვიყვან ცოლს…რატომი ვერ ვიქნები ერთგული და იმიტომ."
MAXIM-მა ლემი ყველა დროის სექს-რეკოდსმენებში მერვე ადგილზე გაიყვანა. არაოფიციალური ინფორმაციით ლემის სექსი 1300-ზე მეტ ქალთან ჰქონდა.
"მართლაი არ დამითვლია. მაგრამ ბავშვობიდან მეშინოდა მარტო დაძინების. დღემდე მეშინია და ყოველთვის ვიღაცა მაწყნარებს. ნუ, დაწყნარების სხვადასხვა ფორმებია და მე სექსით ვწყნარდები. მიყვარს საკუთარ სახლში შიშველი სიარული, თუმცა ამას მარტო ის ხედავს, ვისთანაც სექსი მაქსვ ან უნდა მქონდეს. მეუბნებიან, 65 წლის ასაკშიც მაგარ ფორმაში ხარო…ალბათ, მაბოლებენ, მაგრამ მაინც სასიამოვნოა. დღემდე ვსვავ ყველაფერს, რაც ალდება და ვხმარობ ყველაფერს, რაც მოძრაობს."
ლემი ბოლო დეკადის ყველაზე პოპულარული მიწვეული სტუმარია. Nirvana-ს ყოფილმა დრამერმა დეივ გროლმა პროექტ Probot-ში ლემი სამი კომპოზიციის თანაავტორად და ერთ, ყველაზე ენერგიულ და როკენროლურ ნომერში, Shake Your Blood ლიდ-ვოკალისტობა და ბასისტობა შესთავაზა. კილმისტერის ნომერი ალბომში ყველაზე პოპულარული გახდა.
ოზის 1991 წლის No More Tears-თვის სამი ჰიტი, Hellraiser, Mama, I’m Coming Home და I Don’t Want To Change The World ლემიმ დაწერა. Hellraiser ერთი წლის შემდეგ MOTORHEAD-ის March Or Die-ში შევიდა, ოზიმ კი ძმაკაცს ვალი დაუბრუნა, როდესაც სლეშთან ერთად მიიღო მონაწილეობა ბალადაში I Ain’t No Nice Guy.
"ოზი ჩემი ძმაა. დღემდე ვძმაკაცობთ და მერე რა, რომ შერონი (ოზბორნის ცოლი) ჩვენზე, ოზის სხვა მეგობრებზე ფულს აკეთებსი შერონი ბუნების შეცდომაა და ეს ოზიმაც იცის. თუ ლოს ანჯელესშია, თითქმის ყოველთვის ვხვდები რონი ჯეიმს დიოს. მაგარ დროს ვატარებდით ელის კუპერთან ერთად. რობ ჰალფორდიც მხიარული ტიპია, მაგრამ არა მაშინ, როდესაც მასთან ერთად სასტუმროს ნომერში მარტო რჩები. არ მინდა დილას რომ გავიღვიძებ, ვიყო გახდილი და რობის ჩემს მხარზე თავი ან რამე სხვა ჰქონდეს ჩამოდებული. რობი ყველაზე კაცური გეია და მაგრად მიყვარს."
ლემი მიიწვია ლეგენდარულმა Doro-მ და კილმისტერმა მის კომერციულად ყველაზე წარმატებულ ალბომში Calling The Wild ჩაწერა ულამაზესი ბალადა Alone Again, სადაც ლემი შვიდსტრუნიან აკუსტიკურ გიტარაზე ბაროკოს სტილში სულში ჩამწვდომ სოლოს უკრავს. მეორე ნომერი იყო ქავერი MOTORHEAD-ის Love Me Forever. აქ ლემი მარტო აკუსტიკური ბასით და ბექ ვოკალით შემოიფარგლა.
"რაც მაცვია, ყოველთვის მიხდება და ყოველთვის მომწონს საკუთარი თავი, სარკეში რომ ვიხედები. ქალი რომ ვიყო და ქუჩაში ლემი დავინახო, ეგრევე მანქანაში ჩავისვავ და კისრის დაღლამდე ვიმუშავებ. მერე ნომერს გამოვართმევ, სახლში ავადგები და იგივეს გავაკეთებ."
ლემის ჯგუფს ხშირად ფაშიზმში ადანაშაულებენ, რაზეც კილმისტერს ეცინება.
"იცით, როდესაც 1991-ში ტურზე Black Sabbath, Dio, Kreator, Morbid Angel გვახლდნენ, მაგრად ვკაიფობდით Morbid-ის სოლისტზე, დევიდ ვინსენტზე. შემოდის სარეპეტიციოში და მეუბნება, ლემი, მაგარი წიგნი უნდა გაჩუქოო. მაძლევს გიტლერის რომელიღაც იშვიათ ავტობიოგრაფიულ ნაშრომს და მეუბნება, ღმერთმა ადამიანს კანის თეთრი ფერი მისცა და სხვა ფერს არ ვცნობო. ბიჭებს ბოდიში მოვუხადე, დევიდი ურნასთან მივიყვანე, ის წიგნი შუაზე გავხიე, ზემოდან დავაშარდე და მიდი ეხლა, აქედან დაახვიე-მეთქი. მთელი ტური ხმას არ მცემდა. ხვდებით ალბათ, მისი ყურადღება და სითბო როგორ მეკიდაი" (ლემი გაიხარე ძმა ხარ  ... იცის რა კაცმა ვის როგორ უდან მოექცეს, რა ვინსენტი რის ვინსენტი ? )
MOTORHEAD-ს არ აქვს სუსტი ალბომი. ლეგენდარული The Ace of Spades მაინც ყველაზე პოპულარული ჰიტია, რაც კილმისტერს უკვე მობერზრდა.
"იცით, მისამღერში ხშირად ვცვლი სიტყვებს და ვმღერი The eight of spades და ხალხი ამას ვერ ამჩნევს. ჩემი საყვარელი MOTORHEAD-ის ალბომი არის Inferno, მერე კი ალბათ Bastards და Sacrifice მოდიან.
ჩვენს ჯგუფს ჰყავს მსოფლიოში უძლიერესი როკენროლ დრამერი, ძალიან მაგარი გიტარისტი და ბასისტი, რომელიც დღემდე ყველას აბოლებს იმით, რომ ნიჭიერი მუსიკოსია."
კილმისტერი 1968-ში ჯიმი ჰენდრიქსის როუდი იყო და ლემი დღემდე სიამოვნებით იხსენებს იმ მოკლე, მაგრამ დაუვიწყარ პერიოდს.
"ჯიმი ფენომენი იყო. მას დღემდე უდიდეს გიტარისტად ვთვლი, მერე კი ალბათ სტივ ვეის და ერიკ კლაპტონს დავაყენებდი. ყოველთვის ვამბობდი, რომ ჯიმი პეიჯი და ტონი აიომი რიჩი ბლეკმორისნაირ პიჟონ გიტარისტზე ბევრად მაგარი მუსიკოსები, კომპოზიტორები, იმპროვიზატორები იყვნენ და დღესაც იგივეს ვიტვყი. ჰენდრიქსი კი მაინც სხვა პლანეტაა. ალბათ, მალე მეც დამიძახებენ და წავალ იქ, სადაც ყოველ საღამოს უკრავენ ჯენის ჯოპლინი, ჯიმი, ჯონ ლენონი, რენდი როდსი და ბონ სკოტი. იქ მაგრად გავერთობით."
ლემი სამჯერ გასროკეს.
"სამივეჯერ ნარკოტიკებზე. მერე, უკვე 50 წლის რომ გავხდი, მივხვდი, რომ კოკაინი, ელესდე, ჰეროინი მირაჟი იყო. მთლიანად ალკოჰოლზე გადავედი და დღესაც ალკოჰოლის დიეტაზე ვარ. რამდენს ვძლებ ალკოჰოლის გარეშეი მაქსიმუმ 4-5 საათს, ანუ მაშინ, როდესაც მძინავს. სექსის დროსაც ვისკის ვურტყავ, სექსის მერეც ვისკის ვურტყავ და სექსამდეც ვისკი უნდა დავლიო. ალბათ, იქ, სადაც ყველა მიდის, ჩემთვის ადგილი არ გამოინახა. აბა, როგორ უნდა ვიყო ცოცხალი და ასეთი ლამაზი."
ლემიმ წვერი მარტო ერთი ალბომის ჩაწერის წინ გაიპარსა.
"ერთი შვედი მეგობარი გოგო მყავდა. რომ ვკოცნიდი, იჩხვლიტებიო და წვერი გავიპარსე. მერე იმ გოგომ დამადო და წვერი ეგრევე მოვუშვი. 7 წლის წინ, კოპენჰაგენში ერთ-ერთი მაღაზიის წინ ვიდექით. შუქნიშანთან მიკის ველოდებოდით, ერთმა მოხუცმა ქალმა, შვილო, იქნებ გზაზე გადამიყვანოო, მთხოვა. გადამყავს და შუა გზამდე რომ მივედი, გზის მეორე მხარეს ძალიან მაგარი გოგო დავინახე. ამ ქალს ხელი გავუშვი, ამ დროს მწვანე აინთო და სასწრაფო დახმარების მანქანამ ის ბებო გაიტანა. ორმაგად მეწყინა. ბებოც მოკვდა და იმ ქალსაც ვერ მივისწარი, ტელეფონის ნომერი რომ გამეგო."
ლემი და მისი ჯგუფი დღესაც ყველაზე ხმამაღლა უკრავენ, დღესაც ცელქობენ და სასტუმროში, სადაც ერთი ღამის გათევა 2 000 ევრო ღირს, დებოშს აწყობენ.
სხვანაირად ვერ იქნება.
ეს ლემია.
და ეს მისი ბანდაა.
და უბრალოდ ჩართეთ ჯგუფის რომელიმე დისკი, გვერდით ცივი ლუდი დაიდგით და ამ დროს უკნიდან მანდილოსანი მასაჟს უნდა გიკეთებდეთ.
ისევ თქვენთვის უკეთესი იქნება.    
კომენტარები: 39 |ნახვა: 506 | ამოსაპრინტერებელი ვერსია |
სიახლე: | ავტორი: Shotiko_Maggot თარიღი: 30 აპრილი 2010 03:22 | კომენტარები: 206 |
სიახლე: | ავტორი: Priest_Is_Back თარიღი: 30 აპრილი 2010 03:14 | კომენტარები: 1596 |
სიახლე: | ავტორი: TraVisa თარიღი: 30 აპრილი 2010 00:30 | კომენტარები: 3684 |
სიახლე: | ავტორი: Shotiko_Maggot თარიღი: 29 აპრილი 2010 23:04 | კომენტარები: 206 |
სიახლე: | ავტორი: DeaTh_ თარიღი: 29 აპრილი 2010 21:44 | კომენტარები: 488 |
სიახლე: | ავტორი: Marie Shagrath თარიღი: 29 აპრილი 2010 20:48 | კომენტარები: 551 |
სიახლე: | ავტორი: Priest_Is_Back თარიღი: 29 აპრილი 2010 18:47 | კომენტარები: 1596 |
სიახლე: | ავტორი: TraVisa თარიღი: 29 აპრილი 2010 17:42 | კომენტარები: 3684 |
სიახლე: | ავტორი: SABBATHOMAN თარიღი: 29 აპრილი 2010 16:35 | კომენტარები: 983 |
სიახლე: | ავტორი: gi rrr თარიღი: 29 აპრილი 2010 14:06 | კომენტარები: 568 |
სიახლე: | ავტორი: ACDC თარიღი: 29 აპრილი 2010 13:57 | კომენტარები: 6848 |
სიახლე: | ავტორი: Marie Shagrath თარიღი: 29 აპრილი 2010 05:29 | კომენტარები: 551 |
სიახლე: | ავტორი: TraVisa თარიღი: 29 აპრილი 2010 05:06 | კომენტარები: 3684 |
სიახლე: | ავტორი: Marie Shagrath თარიღი: 29 აპრილი 2010 04:58 | კომენტარები: 551 |
სიახლე: | ავტორი: TraVisa თარიღი: 29 აპრილი 2010 04:49 | კომენტარები: 3684 |
სიახლე: | ავტორი: Marie Shagrath თარიღი: 29 აპრილი 2010 04:44 | კომენტარები: 551 |
სიახლე: | ავტორი: E.V.H თარიღი: 29 აპრილი 2010 00:43 | კომენტარები: 170 |
სიახლე: | ავტორი: TraVisa თარიღი: 28 აპრილი 2010 22:42 | კომენტარები: 3684 |
სიახლე: | ავტორი: SABBATHOMAN თარიღი: 28 აპრილი 2010 22:35 | კომენტარები: 983 |
სიახლე: | ავტორი: WARLOCK თარიღი: 28 აპრილი 2010 22:32 | კომენტარები: 2040 |
სიახლე: | ავტორი: SABBATHOMAN თარიღი: 28 აპრილი 2010 22:20 | კომენტარები: 983 |
სიახლე: | ავტორი: Bloodlines თარიღი: 28 აპრილი 2010 21:58 | კომენტარები: 691 |
სიახლე: | ავტორი: ZEPPELINA თარიღი: 28 აპრილი 2010 21:51 | კომენტარები: 309 |
სიახლე: | ავტორი: TraVisa თარიღი: 28 აპრილი 2010 21:43 | კომენტარები: 3684 |
სიახლე: | ავტორი: ZEPPELINA თარიღი: 28 აპრილი 2010 21:36 | კომენტარები: 309 |
სიახლე: | ავტორი: CHARGER თარიღი: 28 აპრილი 2010 21:10 | კომენტარები: 99 |
სიახლე: | ავტორი: SABBATHOMAN თარიღი: 28 აპრილი 2010 20:58 | კომენტარები: 983 |
სიახლე: | ავტორი: ZEPPELINA თარიღი: 28 აპრილი 2010 20:45 | კომენტარები: 309 |
სიახლე: | ავტორი: SABBATHOMAN თარიღი: 28 აპრილი 2010 20:43 | კომენტარები: 983 |
სიახლე: | ავტორი: Bloodlines თარიღი: 28 აპრილი 2010 20:43 | კომენტარები: 691 |
სიახლე: | ავტორი: nietzsche თარიღი: 28 აპრილი 2010 20:32 | კომენტარები: 1350 |
სიახლე: | ავტორი: ZEPPELINA თარიღი: 28 აპრილი 2010 20:31 | კომენტარები: 309 |
სიახლე: | ავტორი: nietzsche თარიღი: 28 აპრილი 2010 20:18 | კომენტარები: 1350 |
სიახლე: | ავტორი: manowar თარიღი: 28 აპრილი 2010 20:11 | კომენტარები: 34 |
სიახლე: | ავტორი: ZEPPELINA თარიღი: 28 აპრილი 2010 19:29 | კომენტარები: 309 |
სიახლე: | ავტორი: nemesis თარიღი: 28 აპრილი 2010 19:16 | კომენტარები: 835 |
სიახლე: | ავტორი: ACDC თარიღი: 28 აპრილი 2010 19:04 | კომენტარები: 6848 |
სიახლე: | ავტორი: MetallheaD თარიღი: 28 აპრილი 2010 18:56 | კომენტარები: 311 |
სიახლე: | ავტორი: TraVisa თარიღი: 28 აპრილი 2010 18:05 | კომენტარები: 3684 |
ინფორმაცია
 ჯგუფ Guest-ის წევრებს არ აქვთ კომენტარის დატოვების უფლება.
|
|
motorheadis discograpia dadet ra : S
რაღა ეშველება მეტალ ინდუსტრიას :D
კაი სტატიაა საღოლ Hawkwind რატო არაფერი თქვი აქ გიტარისტ/ვოკალისტი იყო ლემი Silver Machine ძაან მაგარი ვეში აქვთ
მაგარი კაცია 
ლემი რულზ მაგარი როჟაა
